سرمایہ دارانہ نظام

سرمایہ دارانہ جمہوری نظام کی لچک ہی اس کی قوت کا اصل راز ہے۔ یہ نظام اشتراکی نظام حکومت کی طرح محض قوت و قہر سے دشمنوں کو زیر کرنے کا قائل نہیں، بلکہ جہاں تک ہوسکے یہ مکر و فریب، لالچ و دھونس اور سیاسی داو پیچ کے ذریعے اقوام کو اپنے ساتھ ملانے، اور سب کو ساتھ لے کر چلنے کی کو شش کرتا ہے۔ اگر کوئی شخص اس نظام کفر کے بنیادی ڈھانچے کو قبول کرلے تو یہ نظام بھی کچھ لو اور کچھ دو کے اصول پر اسے قبول کرلیتا ہے۔ پھر اس کے بعد وہ اپنی زندگی میں یہودیت پر عمل کرے یا عیسائیت پر، اسلام کی بات مانے یا ہند ومت کی، اس نظا م کو اس سے کوئی سر وکار نہیں؛